كروكيت البطاطا

المقادير:

• 4 حبات بطاطا مسلوقة ومقشرة مهروسة
• بيض
• طحين
• قسماط
• توم بودرة
• ملح 
• فلفل اسود
• حليب
• زبدة

للحشوه: لحمة مفرومه معصجة او جبنة قشقوان
الطريقة:

• بعد ما نهرس البطاطا بنحط مكعبين زبدة وحليب والتوم البوردة والملح والفلفل الاسود وبقلبها 
• بنكور البطاطا لكرات وبنجوفها وبنحشيها انا اليوم حشيتها بالجبنة 
• بناخد كل كورة بنلكها بالطحين وبعدين بالبيض وبعديها القسماط وهيك لحتى تخلص كل الكمية 
• بنحطها بصحن وبدخلها الفريزر لمدة نص ساعة
• تقلى بزيت غزير وحامي 

فطيرة السبانخ الحلزونية

فطيرة روسية وبتركيا بسموها برك

المقادير:

• 3 كاسات طحين
• بيضة
• ملعقة كبيرة خميرة
• ملعقتين كبيرتين لبن (زبادي)
• ملعقة كبية زيت
• كأس ماء دافئ او كأس حليب او حسب حاجة العجينة قد تحتاج اكثر او اقل
• ملعقة كبيرة سكر
• رشة ملح

الحشوة:

• جبنة موزاريلا او قشقوان ويمكن ان تستعملي اي نوع لديك
• نصف كيلو سبانخ
• ملح
• فلفل
• بصلة
• ليمون
• دبس رمان ورمان حب
• يمكنك ان تتفنني بالحشوة حسب الرغبة

الطريقة:

• نعجن مقادير العجينة ونتركها ترتاح نص ساعة
• نفرد العجينة على شكل دائري ونقطع بالسكين بالطول مستطيلات رفيعة ثم نبدأ بلف كل مستطيل على شكل رول ونصفه بالصينية ومن وين انا انتهيت بوصل العجينة لحتى يصير عنا شكل حلزوني وبدهن الوجه بصفار بيضة مع رشة نسكافيه ونرش سمسم
• ندخلها الفرن الى ان تنضج ثم نقوم بتحميرها

توست بالبيض والنقانق

اسهل طبق عشاء او فطور وبنفس الوقت طيب جدا وبتحسي حالك كأنك بتاكلي بفندق خمس نجوم

المقادير:

• توست 
• نقانق
• بيض
• ملح 
• فلفل اسود
• جبنة صفرا سلايدات 

الطريقة:

• بصينية فرن بنحط قطعة توست والتانية بنعمل فيها دائرة بالقطاعة وبحطها على القطعة الاولى وعليها شريحة الجبنة 
• بنكسر البيضة فوقها وبملحها وببهرها وعلى الجوانب قطع النقانق 
• بحطها بالفرن من تحت لحد ما يجمد البيض وبعدين بحمرها 

جربوها حتعجبكم 

بيتزا

المقادير:

لتحضير الصلصة :

• بندورة مقطعة 
• بصل
• اوريغانو
• توم بودرة 
• بصل بودرة 
• توابل البيتزا
• ملح 
• فلفل اسود
• بابريكا
• كاتشب 
• صلصة 
• ماء

للعجينة :

• بعتمد في تحضير معجناتي بأكملها عجينة ال 10 دقايق كتير هشة وطرية حتى تاني يوم 

مكونات البيتزا :

• فلفل رومي ملون مقطع شرايح رفيعة 
• فطر
• جبنة مازرولا وقشقوان 
• زيتون 

الطريقة:

• للصلصة / بقلب البصلة عالنار مع زيت الذرة لحتى تدبل وبضيف البندورة وبقلب لحتى تدوب وتنهرس وبضيف الصلصة والبهارات والميا وبخليها تغلي على نار عالية 10 دقاايق وبوطي لحتى تتسبك وبطفي عليها وبضيف الكاتشب وهيك بتصير جاهزة وبتركها لحتى تبرد وبخلطها بالخلاط وممكن تتركيها زي ماهيا 

• للعجين / بعجن العجينة و(انشاء الله حنزل لاحقا مكونات العجينة وطريقة تحضيرها بملف ) وبفردها دائرة وبقطع حوافها بالسكين وبصير بتنيهم زبدهن وجهها بالصلصة وبوزع الفلفل الرومي والفطر والزتون وبرش الجبنة وبدخلها الفرن لتستوي وبحمرها 

كرات اللحم بالماشروم وخضار السوتيه

المقادير:

• لحمة مفرومة 
• مشروم فرش او معلب 
• طحين 
• حليب 
• ملح فلفل اسود وبهارات توم بودرة بصل بودرة 
• جزر 
• فاصوليا خضرا مقطعة 

الطريقة:

• بنتبل اللحمة بالبهارات المذكورة وبنكورها 
• بمقلاية عالنار بحط زيت ذرة وبقلي كور اللحمة لحد ما تاخد لون دهبي وتستوي 
• بقطع الجزر والفاصوليا الخضرا وبحطهم بالمصفاية (طنجرة فيها ميا وعليها مصفاية )بستويو عن طريق البخار بس بنخلي فيها قرطة مو استواء كامل وفورا بحطهم بميا باردة ليحافظو على لونهم الحلو 
• وبصفيهم وبقلبهم بمقلاية فيها زبدة وبتبلهم بالملح والتوم البودرة والاوريغانو والبصل البودرة 
• بنفس المقلاية اللي قلبنا فيها كور اللحمة بحط معلقة كبيرة طحين وزبدة وبقلبهم عالنار وببدا اسكب الحليب عليهم او مرقة لحمة لو كان متوفر عندك من قبل بيطلع اطيب وكل الي كان بالمقلاية من قلي اللحمة بصير ادوبو بالملعقة مع الحليب لتاخد كل الطعمة الطيبة وبنزل كرات اللحمة والمشروم  فيها وغلوة وبطفي 
• بسكبهم بالصحن مع الصوص وبفلفل معاه رز ابيض وبجنبهم الخضار 
• طيبة كتير جربوها 

ملاحظة:  فيكي تستبدلي خليط البشاميل بالكريمة بتطلع طيبة كمان

قوارب الكوسا

المقادير:

• لحمة مفرومة
• بصل
• كوسا حجم كبير
• حليب 
• طحين 
• جبنة قشقوان
• ماجي
• ملح بهارات

الطريقة:

• بنقلي بصلة مقطعة مكعبات بزيت الذرة لحد ما تدبل وبضيف عليها اللحمة المفرومة وبقلبها لحد ما تنشف ميتها وبضيف البهارات والملح 
• بقطع الكوسا بالنص لنصين وبسلقهم نص استواء وبفرغ اللب منهم 
• بصفهم بالبايركس وبحط على كل قارب كوسة لحمة مفرومه وجبنة 
• بعمل  خليط الباشميل :
• بطنجرة عالنار بحط 3 ملاعق زبدة و3 ملاعق طحين وبحركهم لحد ما تطلع ريحتهم الطيبة وبدير عليهم كاستين حليب وبحرك بسرعة لحتى ما يكتل الخليط وبضيف مكعب ماجي وفلفل اسود وبحركهم لحتى يتقل ويجهز 
• بضيف الباشميل على الكوسا وبقعر البايركس وبدخلها الفرن من تحت نص ساعة وبعدين بحمرها 
• تقدم بجانب الارز

كرسبي شيكن

سيتم اضافة الطريقة لاحقا انشالله

فتة العدس

المقادير:

• عدس مجروش
• خبز مقطع مكعبات
• ليمون
• فلفل اخضر
• ثوم
• كمون
• سمنة 

الطريقة:

• بطنجرة عالنار بقلب العدس بمعلقة مازولا وبعدين بسكب ميا لتغمرو وبملحو وبتركو لمدة نص ساعة لحد الاستواء 
• بدق فلفل اخضر مع ضرس ثومه وبحطهم عالعدس وعليه ليمونه وطبعا الكمون ما ننساه وبحرك 
• بضيف عليه الخبز وبحركو اذا لقيتو كتير جامد بسكب شوية ميا وبغلي غلوة وبطفي وبسكبو بصحن التقديم 
• بمقلاة بحط معلقتين سمنة وبخليه لحتى تحمى وبعدين بسكبها على الفتة (بنسميها الطشة) لانها بتطلع صوت لمن نسكبها 
• وصحة وعافية اكلة كتير طيبة وخاصة بالشتا وبتقدم جنبها البصل الاخضر واللفت والزيتون 

الرز الكابلي

المقادير:

• جاجة منظفة ومقطعة 
• رز بسمتي 
• معلقة صلصة طماطم 
• بندورة مقطعة 
•  تومة 
• بصل
• زعفران 
• البهارات المطحونة  (كزبرة  كمون  قرنفل  فلفل اسود  زنجبيل اخضر  قرفة  بهار حلو )

الطريقة:

• بنسلق الجاج مع المطيبات (بصله حب هان عود قرفة ورق غار)
• بالخلاط بنحط لكل كاستين رز معلقة من البهارت المطحونة مع راس ثومة ومعلقة صلصة والبندورة ونص كاسة  مرقة الجاج وبنخلطهم ليصيرو ناعمين 
• بنسلق الرز بمرقة الجاج مع الملح والزيت ولازم تكون المرقة كتيرة وبس نص سلقة 
• بطنجرة عالنار بقلب راسين بصل لكاستين رز بزيت وسمنة مع بهارات صحيحة (ورق غار وهيل وقرفة وقرنفل ) بس يدبل بضيف الخليط اللي خلطانة بالخلاط وبعد دقايق الجاج وبنظبط الملح وبحركهم مع الخليط 
• بضيف الرز بعد ما صفيناه وبتركو نص ساعة على نار واطية بدون تحريك 
• بناخد صحن من الرز اللي على وجه الطنجرة وبنلونه بالزعفران وبنحرك الرز الي بالطنجرة من تحت لفوق 
• بسكب الرز بصحن التقديم وفوقو الرز الاصفران وعليه الجاج والمكسرات

باستا ودجاج

المقادير:

• صدور دجاج
• معكرونة فوزيلي
• حليب
• طحين
• زبدة
• جبنة قشقوان
• بهارات لتتبيل الجاج (توم بودرة  بصل بودرة  بابريكا  ملح   فلفل اسود   اوريغانو  )

الطريقة:

• بنسلق المعكرونة مع مراعاة انو ما تنسلق عالاخر لانو حتاخد غلوة مع الصوص فما بدي اياها تغ 
•  بقطع الجاج شرايح متوسطة السمك وبدقها بالمدقة الخاصة عشان اسطحها وبتبلها بالبهارات ويفضل اخليها منقوعة لمدة 3 ساعات مشان تعطينا طعمة اطيب
• بمقلاة عالنار بحط زيت ذرة وبنزل الشرحات مع التقليب لحتى تاخد اللون الدهبي المحمر وبرفعها عن النار بعد ما تستوي
• بحضر البشاميل (بطنجرة بدوب الزبدة وعليها الطحين وبحركهم لحتى ياخدو لون دهبي وبضيف الحليب مع التقليب السريع لحتى يتجانس الخليط وبضيف مكعب ماجي ) 
• بضيف المعكرونة على البشاميل بعد ما يسمك وبقلبهم وبحط الجبنة وبقلب 
• تسكب بالصحن وبجانبها الجاج 

طيبة كتير جربوها وممكن تستبدلو البشاميل بالكريما الجاهزة والخاصة للطبخ

فتوش

جبتلكم صحن خفيف وفرش للعشا طريقتو بتختلف اختلاف تام عن الفتوش التقليدي
فتوش على الطريقة الغزاوية

المقادير:

• بندورة مقطعة مكعبات 
• خيار مقطع مكعبات
• بصل مقطع  ويا سلام لو كان اخضر 
• خبز مقطع 
• طحينة
• ليمون
• زيت زيتون
• ملح 
• نعنع اخضر

الطريقة:

• نقطع الخبز وبنضيف علية معلقتين ماء لتبليله 
• نضع بصحن عميق جميع الخضار بعد تقطيعها ونضيف الخبز والطحينة والليمون والملح ونخلط طبعا مع التذوق لموازنة الطعم
• نسكبو بصحن مع رشة زيت الزيتون والسماق كتير طيب جربوه

كبدة بالثوم والفلفل الاحمر

المقادير:

• كبدة عجل منظفة بالطحين والخل لازالة الزفرة ومقطعة لشرحات رفيعة
• ثوم مدقوق 
• فلفل احمر
• بهارت 
• فلفل اسود 
• ملح 
• ليمون 
• بندورة مقطعة حلقات 
• بطاطا مقطعة مكعبات 
• زيت ذرة

الطريقة :

• بصينية الفرن بضيف زيت الذرة وبنصف شرحات الكبدة بعد ما بكون عملت على كل شريحة حزوز بتصير متل الجيبة بحشي فيها خليط التومة مع الفلفل الاحمر
• بتبل الكبدة بالبهار والفلفل الاسود والملح وبعصر عليها شوية ليمون 
• بوزع حلقات البندورة على الكبدة  
• بضيف على جهة من الصينية مكعبات البطاطا بعد تمليحها 
• بغطي الصينية بورق القصدير وبدخلها الفرن لحد الاستواء وبعدين بحمرها

بسبوسة كب كيك

كلنا متعودين انو نعمل البسبوسة بالصينية بس اليوم حبيت اغير بطريقة التقديم وكتير الفكرة حلوة وخصوصا على سفر الجمعات 

وياسلام يكون معها فنجان القهوة 

المقادير:

• كاسة سميد
• نص كاسة زيت ذرة
• كاسة الا ربع سكر
• نص كاسة طحين
• نص كاسة جوز هند
• 2 بيض
• ربع كاسة ماء
• فانيلا
• معلقة كبيرة بيكنج باودر
• علبة قشطةة (ممكن الاستغناء عنها )

الطريقة:

• نخلط السوائل مع بعض والنواشف مع بعض
• نضع السوائل على النواشف ونحرك 
• يعبأ الخليط بقوالب الكب كيك او السيلكون 
• تدخل الى الفرن الى احمرار الجوانب وبنشغل الشواية لتأخذ لون دهبي حلو 
• تسقى بالقطر بعد خروجها الفرن مباشرة (لازم واحد من الاتنين يكون بارد والتاني ساخن )
• وتزين بالفستق الحلبي 

وصحتين وعافية

محوى السبانخ

أكلة بيشتهر فيها اهل غزة من فلسطين

فيها شغل وتعب بس بالاخر على اول لقمة بتنسي هالتعب والارهاق كلو

المقادير:

• سبانخ مغسل ومفروم 
• بصل مقطع 
• زيت زيتون 
• زيت نباتي
• طحين 
• ميا دافيه 
• نشا
• ملح 
• فلفل احمر 
• ليمون 

الطريقة:

• بنرش على السبانخ ملح وبنحطو بمصفاية وبتركو شي ربع لنصف ساعة لتنزل كل ميتو
• بندبل البصل المفروم بمقلاة عالنار بزيت الزيتون 
• بنضيف البصل على السبانخ والملح والفلفل الاحمر (في بلدان بتسمية هريسة ) والليمون وبنقلب طبعا الملوحة والحمض بيعتمد على زوق ست البيت انا بالنسبة لالي بحبو حامض وحار كتير

بانسبة للعجينة:

• عملت 3 كبايات طحين ورشة ملح ومعلقة نشا مشان ما تنمزع معنا العجينة وقت الفرد وبضيف عليها الميا الدافية بالتدريج لحتى تصير معي عجينة متماسكة وما بتلزق بالايد 
• بتركها ترتاح لمدة ساعة لساعتين افضل مشان ماتغلب معاكي بالفرد 
• بقطعها كور وبصفهم بصحن في زيت نباتي  الحد الي بيغطي كور العجين وبتركهم يرتاحو ساعة زمن 
• باخد كورة العجينة وبفردها بايدي طبعا حتفرد معي بسهولة لانها مرتاحة وبرقها لتصير شفافة وبقطعها من النص وطول ما انا رقها بدهن ايدي زيت وبرق
• بحط الحشوة على طول العجينة وببدا ألفها متل الرول الرفيع وبعدين بشكلها متل الحلزون 
• توضع جميع الحبات بعد التشكيل في صينية مدهونة بالزيت 
• تخبز بفرن حامي وصحة وهنا

الثومية

جربوها مع الجاج المقلي (الكنتاكي) وقريبا حنزل وصفتو انشالله

ودجز

المقادير:

• بططا بقشرها مغسولة جيدا بالفرشاية من التراب
• بهارات  (بابريكا ثوم بودرة اوريجانو فلفل اسود ملح فلفل احمر بودرة) 

• معلقة طحين

الطريقة:

• بنقطع البطاطا (مراعاة انها تكون كلها نفس الحجم افضل للتقطيع متساوية) بالطول لنصفين وكل نصف بنقطعه ارباع وهيك بصير عنا ودجز 
• بنسلقها نص سلقة فقط 
• بنصفيها بعد ما تستوي وبنضيف عليها معلقة طحين والبهارات المذكورة وممكن تضعي اي بهارت حسب الرغبة الشخصية 
• بنفردها على صينية الفرن وبنرش عليها زيت الزيتون وبنحطها بالفرن لتكمل استوائها وبعد هيك بنحمرها 
• جربوها حتعجبكم خفيفة وصحية اكتر وبنفس الوقت مقرمشة 
• تقدم بجانب الكاتشب