اليوم عملت شاورما الدجاج بالبيت وأكيد انضف وأزكى من برا
المقادير:
- صدور دجاج مقطعه ستيكات رفيعه
- للتتبيله راح نحتاج مجموعة بهارات (توم بودره وبصل بودره وزنجبيل وهيل بودره وبهارات الشاورما وملح وفلفل اسود )
- خبز الشراك
- اسياخ خشب تنقع قبل بليلة بالميا
الطريقة:
- بنتبل الستيكات بالبهارات المدكوره ويفضل قبل بليلة عشان تاخد الطعم ومعاها معلقة سمنه
- بجيب 3 اسياخ وبثبتهم بحبة البطاطا وببدا اشك فيهم الجاج لحتى تخلص الكميه واخر شي بدهنها كمان مره ببهار الشاورما
- بلفها بالقصدير وبحطها على أطراف الصينيه وبحط جوتها ميا عشان ماتنحرق
- بدخلها الفرن لمده ساعه لساعه ونص على نار هاديه
- بكسف القصدير عنها وبحمرها وببدا أقطع فيها وبحشي فيها الشراك مع صوص الطحينة والبصل بالسماق والمخلل
- والصور بتوضح كل مرحله وطريقتها
- جربوها بضمنلكم انكم راح تبطلو تجيبو من برا
ليست هناك تعليقات :
إرسال تعليق