اليوم بدي آخدكم على دول شرق آسيا كنوع من التغيير وعملت تشاينييز فوود مع النودلز
المكونات :
- صدور دجاج
- فلفل رومي ملون مقطع شرايح
- صويا صوص
- نشا
- طحين
- توم
- سمسم
- معلقة كاتشب
الطريقة:
- بنقطع صدور الجاج الى شرايح وبنخلطهم بصحن محطوط فيه نشا وطحين لحتى تتغلف كل القطع
- بمقلايه عالنار بنقلي الصدور لحتى تمام الاستواء وبنحطهم على جنب
- برجع بضيف شوية زيت ذرة والافضل زيت السمسم ان وجد بيعطي طعم مميز للصيني وبنقلب ضرس تومه مع الفلفل الرومي وما بنخليه يستوي كتير بدنا يضل فيه قرشة خفيفة
- برجع بضيف الجاج على الفلفل وبحط الصويا صوص والكاتشب (او يستعاض عنو بالصويا الحلوه ) ومعاهم معلقة نشا وميا وبتركهم دقيتين عالنار لحتى يتقل الصوص
ملاحظة:
- ما بنضيف ملح بالوصفة لانو الصويا مالحه
- مقدار النشا بيعتمد قديش انتي بتحبي كثافة الصوص
- يقدم مع النودلز او الارز الصيني المقلي
- انا هون عملتو مع النودلز:بجيب فلفل رومي ملون وبقلبهم عالغاز مع ضرس تومه وبضيف عليهم صويا صوص والنودلز المسلوقة وبقلبهم مع بعض وعند التقديم برش عليها السمسم
ليست هناك تعليقات :
إرسال تعليق