المقادير:
- نص كيلو لحمة مفرومه
- بتنجان مقشر اقلام
- صلصة بندورة
- بصله كبيره
- كريمة
- جبنة قشقوان
- ملح وفلفل اسود
الطريقة :
- بحاول قدر الامكان يكون البتنجان حجمو كبير وعريض وبقطعو شرايح رفيعه وبقليه وبتركو على ورق مطبخ لحتى يمتص الزيت الزياده
- بمقلاية عالنار بقلب البصلة المقطعه مع زيت الذره لحد ما تصفر وبضيف عليها اللحمه المفرومه وببهرها بالملح والفلفل الاسود وبهاروبتركها لحد ما تستوي
- ببدا اجيب شرحات البتنجان وبحشيها باللحمه المفرومه وبلفها لتصير متل الرول
- بصفهم ببايركس الفرن وبصب عليهم البندوره (بقطع حبة بندوره وبقلبها عالنار وبضيف معلقة صلصة وبخففها بالميا وبتركها عر دقايق عالنار )
- بضيف نص علبة كريمه عليها وببشر عالوجه الجبنة وبدخلها الفرن ربع ساعه من تحت وبرفعها للتحمير
