ناجيت الدجاج

المقادير:

• صدر دجاج مطحون 
• بقسماط
• ملح 
• فلفل اسود
• توم بودرة
• بصل بودرة 
• بابريكا
• بقسماط
• طحين
• بيض 

الطريقة:

• نفرم الدجاج على ماكينة اللحمة او الفود بروسيسر بس مانعمه كتير 
• نتبل الدجاج بالبهارات المذكورة ومعلقتين من البقسماط ونخلطهم لحتى تصير عجينة متماسكة 
• نفرده بين كيس نايلون لحتى تصير مفرودة وما تكون لا سميكة ولا رقيقة لانو هيك راح تنشف وما نحس بطعم الدجاج 
• بقطاعة بنقطع وبنصفهم بصحن لحتى نخلص الكمية كلها وبنحطهم بالفريزر مدة نص ساعة حتى يسهل علينا تغليفه
• بنحط القطع بالطحين وبعدين بالبيض وبعدين البقسماط المخلوط بالفيجيتار وبنرد نحطهم كل الكمية بالفريز 10 دقايق ليتماسكمو
• بزيت غزير بنقليهم ويقدم بجانب البطاطا

سفرة افطارنا الكبسة والدقوس

 صلصة الدقوس وخيار بلبن

الكبسة ذكرت طريقتها سابقا اما صوص الدقوس فهو يقدم بجانب الكبسة وبكون حار ومنو مطبوخ ومنو بيكون عمايلو عالبارد انا اليوم عملتو على النار

المقادير:

• بندورة مقطعة ناعم 
• فلفل اخضر مفروك ناعم
• بصله مفرومه ناعم
• فلفل احمر ناشف مطحون (شطة حارة)
• صلصة بندورة

بمقلاة عالنار بنقلب البصلة بزيت الذرة وبس تدبل بنضيف الفلفل الاخضر وبنقلب وبعدين البندورة وبس يدبل الخليط بضيف الصلصة والملح والشطة والفلفل الاسود ورخيها بشوية ميا وبتركها تتسبك عالنار
تقدم باردة

خيار بلبن :

• خيار مبروش ناعم 
• لبن زبادي
• توم بودرة 
• ملح

تخلط جميع المقادير مع بعض

ميني قدرة قادر

مين منا حبت تجرب قدرة قادر وخربت معها او حتى استصعبت من عمايلها او اجاها ضيوف وحابة تعمل شي مميز وسريع وما بدو وقت والاهم انو عالاكيد حيعجب ضيوفك ويندهشو كمان، جربي هالوصفة واكيد حتدعولي.

المقادير:

• ظرف كريم كراميل 
• 4 معالق كبيرة طحين
• 2 معلقة كبيرة زيت ذرة
• 2 معلقة كبيرة كاكاو
• معلقة صغيرة بيكنج باودر
• فانيلا
• 3 معالق كبار سكر
• نص كوب حليب
• بيضة

الطريقة:

• بتحضري الكريم كراميل بالطريقة المكتوبة عالظرف وبتصبية في القوالب (انا المقادرا عملي 4 صحون ) بملي فقط نصة بالكريم كراميل وبدخلو التلاجه ليجمد تماما
• بحضر خليط الكيك بالمقادير المذكورة سابقا وبخلطهم كويس وبديرهم بكل قالب ما بمليها كلها 
• بحطهم بصينية وبالميكرويف لمدة 5 دقايق بس انتي تابعي لحد ما  ينفخ الكيك وشوفي اذا استوى او لا وانتي حسب الميكرويف ممكن تاخد اكتر من 5 دقايق 
• بتحطيهم بالتلاجة لمدة نص ساعة حتى نضمن انو الكراميل جمد منيح وبعدين بنقلبهم وبصير عندك اشهى ميني قدرة قادر وبخطوات سهلة وسريعة

صينية الشاورما

المقادير:

• صدور دجاج مقطعة شرايح 
• بطاطا مقطعة اصابع سميكة ومقلية 
• قشطة
• لبن زبادي
• مايونيز
• ضرس تومه
• معلقتين كبار جبنة كاسات (يمكن الاستغناء عنها)
• ملح 
• فلفل اسود
• بهار الشاورما
• مخلل خيار

الطريقة:

• نتبل قطع الدجاج بالملح والفلفل الاسود وبهار الشاورما او حسب ما تختاري قبل اربع ساعات ويفضل قبل ليلة 
• نفرد بالبايركس اول طبقة  البطاطا المقلية وفوقها قطع المخلل وبعدين الدجاج بعد تسويته عالنار واخر طبقة الصوص الابيض المكون من :
• بالخلاط نضع القشطة مع علبة الزبادي ومعلقتين المايونيز والجبنة وضرس التومه والملح ونصبه عالجاج 
• يوضع البايركس بالفرن من فوق فقط للتحمير لانو كل شي مستوي 

سمبوسك

السمبوسك أو السمبوسة أو السنبوسك أو السنبوسة من أشهر الأطباق الجانبية التي تقدم في موائد رمضان، ويعتقد أن السمبوسك أو السمبوسة نشأت في منطقة الشرق الأوسط في حوالي القرن العاشر الميلادي وإنتقلت فيما بعد عبر التجار المسلمين إلى شبه القارة الهندية، وكثير من المؤرخين قد ذكروها في كتبهم لما وجدوه عند النبلاء والأمراء من إحتفاء بهذه اللفائف المحشوة بأطايب اللحوم والسمن والخضار.

ومن بين السلاطين العظام الذين ذكرت السمبوسة في موائدهم الشاه محمد بن تغلق وهو واحد من أشهر سلاطين الهند في القرن السابع الهجري، وقد ذكر إبن بطوطة الرحالة الشهير كيف كان هذا الطبق الجانبي مدللًا في بلاط السلاطين، فمرة محشو باللحم والخضار، ومرة محشوة باللوز والفستق والجوز كما حال القطائف التي نعرفها اليوم.

ورغم إختلاف الرواة في أصل هذا الطبق الشهيّ، إلا أنه لابد من الإشارة إلى دور الإستعمار البريطاني الذي سيطر طويلًا على منطقة الهند في نشر ثقافة السمبوسك في دول العالم التي تقع تحت الإنتداب من أقصاه إلى أقصاه مرورًا بالحجاز واليمن.

أما في الأندلس فقد كانت معروفة أيضًا كما في المشرق، وكانت تسمى بالجوداية أو السنبوسك بالنون، أو السنبوسج بالجيم، وقد اشتهر في المشرق أن رقائق السمبوسة التي نعرفها اليوم كانت تحشى باللحم والبيض، بينما السمبوسة في الأندلس كانت محشوة بالثوم والتوابل مخلوطة باللحم، أو بالسكر واللوز ثم تقلى على شكل مثلثات، وفي إسبانيا حتى هذه اللحظة مازالت السمبوسة موجودة كإرث حضاري، وتعرف بسم إنبنادياس.

وتحضر السمبوسك كذلك في الموروث الثقافي العربي، بالمغرب مثلا تسمى بيريوات وهي واحدة من الأكلات الأكثر شيوعًا هناك، محشية باللوز والمكسرات ومقلية بالزيت، وفي الجزائر العريق تعرف باسم البورك، ويقال أن الدولة العثمانية إستجلبت هذا الطبق معها إلى شمال إفريقيا إبان عدة فترات تاريخية، أما في تونس فيسمى بالبريك دنوني.

ومما يشاع إلى أن أصل هذه السمبوسة التونسية يعود لعائلة أندلسية إستقرت في تونس بعد سقوط بلادهم، لكن يرجح آخرون إلى أن جذرها يعود للتركة العثمانية، الشيء الوحيد الذي لن نختلف عليه أن هذا السمبوسك التي نذوب في غرامها عند كل رمضان فرضت حضورها التام في اللحظة والآن حتى أنستنا الماضي والتاريخ.

بدي أطل عليكم بصحن يكاد لا تخلو منه سفرة رمضانية .. السمبوسك وبعجينة مقرمشة وهشه وما بتشرب زيت وحشوتها اليوم بجبنة واكيد فيكم تحشوها بالحشوات المختلفة للسمبوسك، وإليكم طريقة اعدادها:

المقادير:

• 3 كاسات طحين (دقيق)
• نصف كاسة نشا
• نصف كاسة مازولا (زيت قلي)
• كاسة ماء دافئ او حسب ما تحتاج العجينة 
• رشة ملح 
• رشة سكر

الطريقة:

• نقوم بنخل الطحين مع النشا والسكر والملح
• يضاف الزيت ونفرك بأيدينا الى ان يصبح الطحين مشبعاً بالمازولا
• نبدا بإضافة الماء بالتدريج ونعجن الى ان يصبح لدينا عجينة ناعمة ما بتلزق باليد
• تغطى وتترك على جنب في حين تحضير الحشوة

الحشوة:

• ملعقتين زيت ذرة
• معلقة واحدة طحين 
• يضاف الزيت الى الطحين ويحركو مع بعض ونضيف عليهم نصف كاسة حليب و2 كوب جبنة موزاريلا مبشورة ويضع الخليط على النار النار حتى تسيح الجبنة وتختلط المكونات مع بعض ثم نضيف ملعقة حبة البركة (حسب الرغبة)
• نقوم برق العجينة بسمك رقيق ونحشوها بعد ان تبرد الحشوة ونضعها على صينية فيها طحين لكي لا تلتصق ثم نقليها بزيت غزير

سلطة

بالعادة سلطة السيز تتكون فقط من الخس ومكعبات التوست وصدور الدجاج والصوص انا اليوم حبيت اضيف عليها خضار واستغنيت عن الدجاج وطلعت طيبة بسبب الصوص الغني على وجهها مع مكعبات الخبز المتبل عليها

المقادير:

• خيار
• بندورة
• خس 
• قطع توست 

الصوص:

• مايونيز 
• مسترده  (خردل)
• معلقة لبن شمينت
• ملح 
• نص معلقة صغيرة خل ابيض

الطريقة:

• نقطع الخس والخضار فرم خشن 
• نخلط مكونات الصوص 
• بالصحن نضع الخس من ثم البندورة والخيار وعند التقديم نضيف الصوص 

للخبز:

• نقطع التوست مكعبات ونفردها بصينية بنرش عليه زيت الزيتون مع التوم المفروم  ويمكن الاستعاضاضة عنه بالثوم البودره والاوريغانو وبنحركهم مزبوط لتتغلف كل مكعب بالتتبيلة وتوضع بالفرن مع مراعاة التقليب لتتحمر من جميع الجهات 
• توضع على وجه السلطة

لفائف الدجاج

المقادير:

• ستيكات دجاج 
• خس
• خبز الصاج 
• جبنة صفراء
• ما يونيز 

الطريقة:

• نتبل صدور الدجاج المقطعة الى شراثح عريضة بتوم بودرة وبصل بودرة وبابريكا وملح وفلفل اسود 
• تقلب بالبيض ومن ثم بالبقسماط وتتترك بالفريزر لترتاح لمدة ربع ساعة ومن ثم تقلى  
• نفرد خبز الصاج ونضع المايونيز والستيكات الدجاج وشريحة جبن الخس ويلف الخبز عليها وتوضع بالتوستر الى ان تسح الجبنة 
• تقطع وتقدم مع البطاطا 
• طيبة وسهلة

كوردون بلو

في حشوات عديدة للكوردون بلو انا اليوم عملتو بحشوة الجبنة والفطر خفيفة ظريفة

المقادير:

• صدور دجاج مقطعة شرايح عريضة ومدقوقة بالمدقة الخاصة للجاج واللحم عشان تصير رفيعة وتستوي بسرعة 
• فطر معلب 
• جبنة قشقوان
• كريمة طبخ
• بقسماط 
• بيض
• طحين
• توم بودرة 
• بصل بودرة 
• ملح 
• مكعب ماجي
• فلفل اسود

الطريقة :

• بنفرد شريحة الجاج بعد ما دقيناها وبتبلها بالبهارات (الملح والفلفل الاسود والتوم والبصل البودرة) يفضل تركها ساعتين لتاخد الطعم 
• ببدا احشي كل شريحة دجاج بجبنة القشقوان والفطر وبلفها وبراعي انو الحشوة تكون بالداخل 
• ببدا اغطس كل لفة جاج بالطحين وبعدين البيض ومن ثم البقسماط
• بتركها بالفريز نص ساعة لساعة عشان ترتاح وما تفك وقت القلي 
• بزيت غزير وحامي بقلي الكوردون بلو وبوطي شوي النار وبقلبهم لياخدو لون حلو ويستويو 
• بمقلاة بحط زيت درة وبقلب الفطر وبعدين بضيف الكريمة والماجي وادا بتحبوها سميكة ضيفو طحين وخلوها تغلي غلوة وطفو النار

المجدرة

المجدرة "أكلة مقدرة" وهي طبخة شامية مشهورة في بلاد الشام والمنطقة العربية المجاورة، ففي سورية والأردن وفلسطين يسمونها المجدرة وفي لبنان يسمونها المدردرة، أما المصريون فيسمونها الكُشري، وهذه الأكلة ذات أصل واحد، لكن لها في كل بلدٍ اسـم مختلف وطريقة طهو تختلف بين منطقة وأخرى فيما يضاف إليها من زيوت طبيعية، وهذه الزيوت تتراوح ما بين السمن العادي والسمن العربي إلى زيت الزيتون وقدر من المنكهات، وتٌطبخ إما مع الأرز أو البرغل مع وجود العدس الأسمر لأنه أساس صناعة المجدرة، ويتم تناول مع هذا الطبق المخللات بأنواعها، لبن الزبادي، أو السلطة.

ويعتبر العدس من أغنى البقوليات من حيث العناصر الغذائية، اذ يعادل اللحم في قيمته الغذائية بل يفوقه في بعض النواحي، فهو يحتوي على ماء وبروتين وكربوهيدرات ونسبة قليلة من الدهون غير المضرة مثل تلك التي توجد في اللحوم، فضلا عن نسبة عالية من الحديد المفيد لعلاج فقر الدم، والكالسيوم والفسفور وفيتامين (أ) المفيد لصحة الجلد والعيون والعظام، وفيتامين (ب1) و(ب2) و(ب6)، اضافة الى البوتاسيوم والماغنيسيوم والنحاس والفسفور والكبريت والكلور والألياف التي يحتاج اليها الجسم ليستمد منها قوته وتنظم امتصاص الامعاء للسكريات في الوقت ذاته. هذا عدا أنه غذاء سهل الهضم وسريع الامتصاص ويساهم في توازن معدل السكر في الدم مما يغني مرضى السكري عن تناول الأنسولين الذي يحتاجونه لنقل الغذاء اإلى الأنسجة، وقد استخدمه القدماء في الطب وقالوا أن قشره شاف.

كما أظهرت الدراسات أن تناول العدس أربع مرات في الأسبوع كغذاء بديل عن اللحم يساهم في خفض معدل الكوليسترول ويحمي القلب ويقلل خطر تعرض الجسم للأزمات والمشاكل الصحية الخطيرة كداء السكري وارتفاع ضغط الدم، علما أن هذا النوع من البقوليات لا يناسب المصابين بأمراض المعدة والكبد والكلى والمرارة والراغبين في تخفيف الوزن.

واليوم حبيت أطل عليكم بالمجدرة ومتل ما بيحكو عنها "المجدرة أكلة مقدرة" والشي اللي ممكن يكون مو الكل بياكلو معها هي "السلطة" بنصحكم تجربوها كتيررر طيبة، وإليكم طريقة تحضيرها:

المقادير:

• عدس حب بني 
• بصل مقطع جوانح
• أرز بسمتي أو أي نوع أرز ذو حبة طويلة
• كمون
• ملح 
• فلفل اسود

للسلطة :

• بندورة (طماطم)
• فلفل اخضر
• ثوم
• نعنع ناشف 
• ملح
• ليمون

الطريقة:

• يسلق العدس مع بصلة مقطعة مكعبات.
• يضاف لماء السلق بعد ما ينضج العدس رشة كمون وملح ورشة فلفل اسود ونتركهم يغلو مع بعض ثم نضع الارز عليهم وننتظر الى ان يجف الماء عن مستوى الارز ثم نخفف من درجة النار (لو كان ماء السلق قليل نزيده ونضبط العيار المناسب للارز)
• يقطع البصل جوانح ونفركهم بطحين وملح ونتركهم حوالي النصف ساعة حتى نحصل على القرمشة ثم نقليهم بمقلاة فيها زيت غزير ونقلبهم لحتى ما يلزقو مع بعض.
• نرفعم من الزيت عندما يصبح لونهم ذهبي ونضعهم على صحن فيه ورق مطبخ ونأخذ ملعقتين من الزيت اللي قلينا فيه  البصل وونضعه على الارز
• نقوم بسكب المجدرة في صحن التقديم ونضع فوقها البصل المقلي.

السلطة:

• في الزبدية الفخار يدق فص ثوم مع فلفل اخضر مقطع لحتى يفرمو بشكل جيد ويضاف عليهم البندروة المقطعة وندقها مع الخليط واخر شي يضاف النعنع الناشف وربع معلقة ليمون وملح ثم نحرك.

شيبس

مين منا ما بحب الشيبس وخصوصا الاولاد  ...طبعا ما في افضل من انو نعملو بالبيت وهيك بنضمن انوانقلى بزيت نضيف واكيد خالي من المواد الحافظة

قرأت كتير وصفات للشيبس منها الي بعد تقطيعها بينقع بالخل والملح وشي بالبيكنج باودر بس انا طريقتي سهلة جدا ومضمونه

• بتقشري حبات البطاطا ويفضل تكون كبيرة الحجم وبالقشارة بتقطعي البطاطا وبتغسليها بالميا لحتى كل النشا يروح 
• بتحمي مقلاية فيها زيت غزير وبتبدي تنزلي وحدة وحدة لحتى ما تلزق معك واهم شي ماتكتري بالمقلاية وبتحركيهم بالشوكة 
• بترفعيها من النار لمن تاخد اللون الدهبي وبترشي عليها اي نكهة بتحبيها بالجبنة او الملح او بهارات البطاطا او البيتزا 
• انا اكتفيت بالملح 
• جربوها وراح تدعولي 
• الكمية هاي طلعت من بطاطا وحدة 

ملوخيه بوراني

بما انه نحن بموسم الملوخية الخضرا فأكيد ما رح تخلو سفرتي منها .. اليوم عملتها ملوخية ورق (بوراني ) بالنسبة لالي بفضلها على الناعمة طيبة كتيرر

المقادير:

• ملوخية مقطفة وملقطة ومغسلوة وبنشفها كتير منيح 
• راس تومه
• دجاج
• مكعب ماجي 
• فستق مقلي للتزيين 

الطريقة:

• بطنجرة فيها زيت نباتي ببدا احط فيها دفعة دفعة من الملوخية وبقلبها لحتى تدبل وبحسها بدأت تقرمش بحط الدفعة التانية منها وبقلب وهيك لحتى اخلص الكمية كلها مع زيادة الزيت بكل مرة بحط فيها ملوخية 
• بسكب عليها مرقة الدجاج بعد سلقة وتنسيله وبحطه معها مع مراعة القدر اللي يغطي الملوخية بس  
• بضيف مكعب ماجي وبزبط الملح وبتركها تغلي لمدة ربع ساعة على العالي وبعدين بهدي عليها وبغطي وبتركها لمدة ساعة 
• بنص الوقت بضيف فصوص التومه المقشرة 
• بزينها بالفستق المقلي ويقدم بجانبها الارز الابيض المفلفل