بما انه نحن بموسم الملوخية الخضرا فأكيد ما رح تخلو سفرتي منها .. اليوم عملتها ملوخية ورق (بوراني ) بالنسبة لالي بفضلها على الناعمة طيبة كتيرر
المقادير:
- ملوخية مقطفة وملقطة ومغسلوة وبنشفها كتير منيح
- راس تومه
- دجاج
- مكعب ماجي
- فستق مقلي للتزيين
- بطنجرة فيها زيت نباتي ببدا احط فيها دفعة دفعة من الملوخية وبقلبها لحتى تدبل وبحسها بدأت تقرمش بحط الدفعة التانية منها وبقلب وهيك لحتى اخلص الكمية كلها مع زيادة الزيت بكل مرة بحط فيها ملوخية
- بسكب عليها مرقة الدجاج بعد سلقة وتنسيله وبحطه معها مع مراعة القدر اللي يغطي الملوخية بس
- بضيف مكعب ماجي وبزبط الملح وبتركها تغلي لمدة ربع ساعة على العالي وبعدين بهدي عليها وبغطي وبتركها لمدة ساعة
- بنص الوقت بضيف فصوص التومه المقشرة
- بزينها بالفستق المقلي ويقدم بجانبها الارز الابيض المفلفل
ليست هناك تعليقات :
إرسال تعليق