شيش طاووق

المقادير:

• صدور دجاج مقطعة الى مكعبات
• لبن
• فلفل رومي ملون مقطع الى مكعبات
• بصل مقطع مكعبات
• البهارات(ببريكا -جنزبيل بودرة-ملح -فلفل اسود-فلفل احمر -توم بودرة-بصل بودرة-كركم -هيل بودرة)
• اعواد خشب يستحب نقعها بالماء لمدة نص ساعة عشان ماتنحرق 
•  خل لتطرية الدجاج عند نقعة

الطريقة:

• بعد تنضيف الصدور بالماء والخل والطحين تقطع مكعبات وتوضع في اناء وعليها البهارات واللبن وتترك منقوعة لمدة لا تقل عن ساعتين والافضل من قبل ليلة للحصول على طعم ألذ
• تشك المكعبات بالاسياخ الخشبية وبينهم الفلفل الرومي والبصل 
• توضع في صينية ويسكب القليل من زيت الذرة وتغطى بالسلفان (ورق القصدير) 
• تدخل الى الفرن لمدة نص ساعة من الاسفل ومن ثم يكشف عنها السلفان وتحمر من الاعلى مع تقليبها 
• تقدم بجانب الارز 

طريقة الارز:

• نقلب بصلة الى الاصفرار بزيت الذرة ومن ثم نضيف الارز و بنسكب الماء (انا ضفت هنا كركم ورشة كاري) ويترك ليغلي الى ان يقل منسوب المياة ونوطي النار الى الاستواء

المقلوبة

المقادير:

• جاجة مقطعة 
• بطاطا مقطعة دواير
• باذنجان مقطع دواير ومقشر حزوز
• بندورة مقطعة دواير
• بصل مقطع جوانح
• رز بسمتي منقوع
• ملح 
• فلفل اسود
• هيل
• ورق غار

الطريقة:

• بنقلي الجاج بعد تنظيفة طبعا مجرد تحمير الوجه وبعدين بنسلقة بالمطيبات (ورق الغار وبصلة والهيل الحب)
• بنقلي الباتنجان والبطاطا والبصل وبنحطهم على ورق نشاف لامتصاص الزيت الفائض بعد القلي
• بطنجرة برص الجاج والبندورة وبعدين البطاط والبتنجان والبصل وبعدين بضيف الرز المنقوع والمبهر وبسكب مرقة الجاج بهدوء مشان ما ترتفع الخضار لفوق 
• بحط صحن وعلى النار اول شي على العالي لحتى تغلي وتنشف المرقة ةتصير لمستوى الرز وبوطي النار وبتركها على نار هادية 
• اهم شي مشان تطلع معك متل القالب بعد ماتستوي اطفي عليها وخليها لمدة ربع ساعة وبعدين اقلبيها 
• تقدم بجانبها السلطة الخضرا ولبن بخيار

شاورما الدجاج بخبز التورتيلا

المقادير:

بالنسبة للخبز //

• كوب و3/4 طحين
• كوب ماء دافئ
• 3ملاعق كبيرة حليب بودرة
• معلقة سكر
• رشة ملح
• معلقة كبيرة خميرة
• معلقة صغيرة بيكنج باودر

الحشوة:

• صدور دجاج مقطعة شرايح
• لبن
• بهارات الشاورما
• هيل مطحون  توم بودرة  بصل بودرة ملح  فلفل اسود جنزبيل 
• بصل مقطع جوانح
• خل
• 
  

الطريقة :

• بنعجن جميع مقادير الخبز وتترك لتختمر لمدة ساعة
• تقطع الى دواير وترق
• تخبز في مقلاة على النار وتقلب الى ان تحمر وتستوي من غير ما نحط اي زيت بالمقاية
• تغطى بمنشفة لتبقى طرية

بالنسبة للحشوة :

• بنتبل صدور الدجاج باللبن والبهارات من قبل ليلة افضل وتترك بالتلاجة
• بمقلاية على النار توضع القطع وتقلب لتزل الميا وبعدين بنحط زيت الذرة وبنحمرها وبنطفي
• بنفرد الخبز وبندهنه بالتومية وبنحط الشاورما والبصل (بنقطعة جوانح وعلية معلقة سماق وخل وبنفركهم مع بعض) ومخلل خيار وبنلف الخبز وبنحمصه بالتوستر
• يقدم بجانها البطاطا المقلية وسلطة الملفوف بالمايونيز وصوص الطحينة 

فشار بالكراميل

تنوعت الطرق لاعداده بس انا اليوم جبتلكم الطريقة السهلة وما بيحتاج للفرن انو تنشفي الكراميل

 المقادير:

• كوب بشار
• كوب سكر
• نص كوب زيت ذرة

الطريقة:

• نضع الزيت والسكروالبشار على نار متوسطة مع التقليب المستمر والغطا مسكر
• ضروري تكون النار هاديه مشان ما ينحرق السكر قبل ما تفرقع حبات الفشار
• لانو التقليب بساعد انو السكر يذوب ويتكرمل ويغطي البشار 
• عملية الطهي حتاخد تقريبا 10 الى ربع ساعة 
• بس تسمعي انو بطل في اي صوت بيكون استوت حبات الفشار 
• وبعدين نسكبو بصينية وبنصير نقلب فيه ونفكك البشار عن بعضو مع الاحتراس قليلا لانو بيكون ساخن 
• وهيك بكون عنا ألذ واسهل بوب كورن بالكراميل ممكن يتاكل وينعمل بسرعة

المسخن

المقادير:

• بصل
• زيت زيتون
• دجاج
• سماق
• خبز عراقي
• فستق 

الطريقة:

• بنسلق الدجاج بالمطيبات (بصل ورق غار حب هان )
• في طنجرة عالنار بنحط زيت الزيتون الحد الكافي اللي يغمر البصل المقطع مكعبات وبنقلب على نار عاليه وبعدين بنوطي 
• بس يستوي البصل ونحسو دبل بنحط السماق والملح والفلفل الاسود وبنقلب وبضيف من مغرغة الى مغرفتين من مرقة الدجاج وبتركو عشر دقايق على الناروبحط معهم الدجاج  وبعدين بطفي
• بحمر الدجاج بالفرن 
• بجيب الخبز العراقي وبغطسو بالزيت شوي وبصفو بصينية فرن وبحط عليه البصل وبدخلو الفرن ليتحمر وبرش عليه لوز او فستق مقلي 
• برجع بكرر الخطوه هاي لحتى تخلص الارغفة 
• بقدم بجانبة اما شوربة الفريكة اللي بعملها من مرقة الدجاج اللي زادت من السلق ولبن بالخيار

صُرر الأوزي

طريقة تحضير رقائق عجين الأوزي:

المقادير:

• 3 أكواب طحين
• كوب ماء دافئ
• ملعقة كبيرة زيت نباتي
• ملعقة صغيرة ملح طعام
• بيضة

الطريقة:

• تخلط جميع المقادير وتترك ساعة بمكان دافئ لتختمر.
• تقطع إلى قطع مع كمية وفيرة من النشا وتترك نص ساعة.
• ثم نبدأ بفرد العجين بالزيت أو السمنة بالأصابع بشكل أسطواني ولفها كشكل الرول وتركها لمدة نص ساعة.
• ثم توضع قطع العجين بشكل طولي وتفرد بواسطة زيت أو سمنة حتى تصبح بشكل رقائق.
• توضع الرقاقة بصحن وتوضع المكسرات (حسب الرغبة) داخلها ثم توضع الحشوة وتلف أطرافها المتبقية وتقلب بالصينية وتوضع بالفرن.

الحشوة: تقلب على النار بازيلاء وجزر مقطع إلى قطع صغيرة مع لحمة ناعمة وبعد استوائها نص استواء يوضع الرز ومقدار الماء الكافي لكمية الرز مع ملح وبهارات الأوزي، ثم يترك على نار هادئة حتى ينضج.

ملاحظة: طريقة فرد عجين الأوزي شبيه بطريقة فرد عجينية الشعيبيات.

أقماع الشاورما

عجينتي المعتمدة ال10 دقايق بقطعها قطع مستطيلة وبلفها على اقماع مخصوصة وبدهنها بحليب وبرش سمسم وحبة البركة وبدخلها الفرن الى الاستواء

الحشوة:

• صدور دجاج مقطعة ومتبلة ببهارات الشاورما بقلبها على النار لحد ما تستوي
• بحشيها بالاقماع بعد ماتبرد مع بصل مخلوط بالسماق
• تقدم بجانبها الطحينة او التوميه

حلا بيض عيون

للوهلة الاولى استغربت! بيض وطبق حلو بس كتييير سهل وما بيخطر عالبال

الوصفة عبارة عن مهلبية وصفاربيضة وكريم كراميل

المقادير:

• حليب
• سكر
• نشا
• مسكه
• بكيت كريم كراميل

الطريقة:

• نقوم بتحضير الكريم كراميل بإتباع تعليمات العبوة
• ويصب في فناجين القهوة العربي
• وتترك في الثلاجة لكي يبرد
• في هذه الاثناء نقوم بتحضير المهلبية حيث نضع بكازارولا الحليب (الكمية تحدد حسب عدد افراد الاسرة) والنشا والسكر ونحرك بالمخفق اليدوي حتى يذوب النشا والسكر، توضع على النار مع التقليب المستمر الى ان تجمد، نضع المستكه المطحونة
• تسكب المهلبية في صحون عميقة قليلا
• نقلب فنجان الكريم كرامل على كف اليد وبمساعدة الملعقة يتم وضعها بحذر في وسط المهلبية ثم توضع في الثلاجة وتقدم باردة.

وصحتين وعافية ...

تشكيلة معجنات

العجينة المعتمدة لدي بجميع معجناتي هي عجينة ا10ل دقايق  طرية حتى تاني يوم
الحشوات عبارة عن :
وردة الجبنه
صفيحة لحمه
رولات الزعتر
لبنة بالفلفل الاحمر الحار

رول اللحمة المحشي

المقادير:

• لحمة مفرومة ناعمة نص كيلو
• بيضتين 
• كاسة كعك مطحون 
• بتبهريها بملح وفلفل 

الحشوة: بتقلي بصلة وتوم مدقوق وبطاطا وجزر مكعبات وبازلا وفطر ودرة وبتحطيلا ملح وفلفل وماجي وشوية كاري.

بتفردي اللحمة على قصدير مستطيل وبترشي عليها جبنة وبتضيفي الحشوة وبتلفيها منيح بالقصدير وعالفرن نص ساعة على نار هادية بعد التسواية بتصبي عليها صوص بلانش.

كفتة حسن باشا

يسعد مساكم احبابي اجيت وجايبة معي اكلتي يلي لسه ما اتغدا يتفضل 

أكلة تركية بتشهي (كفتة حسن باشا ) بتشهههههي وهي الطريقة :

المقادير

• 300 جرام لحمة مفرومة
• 1 بصلة متوسطة مبشورة ناعمة 
• ملعقه كبيرة بقسماط (قرشلة )
• ملح - بهارات 
• فلفل أسود واى نوع بهارات

الحشو:

• حبتين كبار بطاطا مسلوقة 
• 4\1 كوب تقريبا حليب 
• 3 ملاعق كبار جبنة مبشورة اى نوع مفضل (انا استخدمت موزريلا)
•  ملح
• الصوص
• ملعقة رب البندورة 
• كأس من الماء
• مكعب مرق الدجاج (اختياري )

الطريقة:

• نسلق اولا البطاطس بمجرد ان تنضج نصفيها من الماء ونهرسها مع الحليب، ويفضل هرسها بالمهرسة الخاصة بهرس البطاطا وليس بالألات الكهربائية
• ثم نضع عليها الجبنة ونقلبها ونتذوقها ثم نملحها حسب الطلب لأن الجبنه بها ملح ونتركها تبرد , من الاحسن وضعها بالتلاجة لحين اعداد الكفتة

إعداد الكفتة :

• نخلط اللحمة مع البصل والتوابل والبيضة والبقسماط الناعم وندعكها جيدا حتى تنعم.
• ندهن صينية فرن بالزيت ونشكل الكفتة مثل الطبق الصغير المجوف، ولكى يكون التشكيل سهل نشكل الكفتة في الصينية بيكون اسهل.
• نضع البطاطا بكيس الحلواني المخرم ونملأ قوارب اللحمة بالبطاطا ثم نرشها بالجبنة وقليل من السمنة ليحمر الوجه.
• نضع ملعقة صلصة مذابة بكأس من الماء مع مكعب مرق الدجاج وهو اختياري ونملأ فيه صينية الكفتة مع شرحات بصل مقطعة جوانح.
• توضع في الفرن لمدة نصف ساعة وبعد ذلك نضعها تحت شواية الفرن دقيقتين

اللوز الأخضر يقضي على 12 مرضاً

فوائد اللوز الأخضر:

• السمنة: يقضي اللوز الأخضر على دهون الجسم ويساعد في تحقيق الرشاقة بشكل أسرع ويكبح الشهية خصوصاً إذا تم تناوله بين الوجبات.
• السكري: يعتبر اللوز الأخضر من أنسب الأطعمة لمريض السكري، إذ أنه يساعد في تخفيض مستويات السكر في الدم.
• التهاب الكلى: يعمل اللوز على القضاء على البكتيريا التي تهاجم الكلى وبالتالي يقضي على التهابات الكلى والمجاري البولية.
• تشمع الكبد: ينظف اللوز الأخضر الكبد من الدهون والسموم التي تتجمع فيه.
• جفاف البشرة: الفيتامينات الموجودة في اللوز تمنح البشرة ترطيباً مميزاً.
• السعال: يعزز اللوز الأخضر الرئتين ويحد من السعال.
• الإمساك: الألياف الموجودة في اللوز تخلصك من مشكلة الإمساك.
• التعب: يحتوي اللوز على كمية كبيرة من الفيتامينات التي تمنحك النشاط.
• الصداع: يخفف اللوز من نوبات الصداع بشكل فعال.
• الزهايمر: يعزز اللوز الذاكرة ويحمي من الزهايمر.
• هشاشة العظام: الكالسيوم الموجود في اللوز الأخضر يحمي العظام.
• أمراض القلب: الدهون الصحية الموجودة في اللوز تساعد في الحماية من أمراض القلب.

لذا ننصح بتناول صحن كبير من اللوز الأخضر الطازج يومياً في الربيع للإستفادة من هذا الطعام السحري والمفيد للصحة، ولكن إحذروا من إضافة كميات كبيرة من الملح الى اللوز الأخضر.