بغيب عنكم بس برجعلكم بطبق لذيذ ...اليوم حضرت كرات البطاطا بصدور الدجاج والكريمة لذيذ ودسم
المقادير:
- بطاطا مسلوقه
- صدور دجاج منظفة ومقطعه شرايح
- فلفل رومي ملون ومقطع جوانح
- جزر مقطع
- فطر
- بصل مقطع جوانح
- كريمة
- جبنة
- بهارات (توم بودرة وبصل بودرة وملح وفلفل اسود وجنزبيل بودرة )
- صويا صوص
- كاتشب
الطريقة:
- بهرس البطاطا وبضيف عليها الملح والفلفل الابيض وزبدة وبقلبها وبكورها كور
- بمقلاة على النار بضيف زيت الذرة وبقلب الدجاج لحد ما يستوي وبضيف عليه البصل وبس يدبل شوي بضيف الجزر وبعدين الفلفل الرومي وببهرهم بالبهارت السابقه وبتركهم لحد ما يستوي الخليط
- بضيف عليهم علبة قشطة وبرخيها بشوية حليب او لبن الشمينت ومعلقة صويا صوص (ممكن الاستغناء عنها ) ومعلقتين كاتشب
- بالبايركس بضيف الخليط وفوقه بصف كور البطاطا
- وفوقهم بضيف علبة الكريمة (ممكن عمل خليط باشميل بدل الكريمة ) وببرش جبنة صفرا
- بدخلها الفرن من تحت لمدة نص ساعة وبحمر وجهها
- طيبة كتير وأكيد فيها سعرات حراراية ما بتاسب اصحاب الرجيم :)
ليست هناك تعليقات :
إرسال تعليق