اخترت المرة هاي أعمل التشيزكيك بجلي الفراولة وطلع لذيذ جدا
المقادير:
- 2 دريم ويب.
- كاسة حليب سائل.
- علبة قشطة.
- 4 قطع جبنة مثلثات.
- 2 معلقة كبيرة جيلاتين .
- باكيت بسكوت (او على حسب حجم القالب بتقدري عدد الباكيتات).
- 50 غرام زبدة(برضو هنا الكمية على حسب البسكوت).
- نص كوب ماء ساخن لتذويب الجيلاتين.
- 2 باكيت جلي بنكهة الفراولة.
الطريقة:
- نخفق الكريمة مع كاسة الحليب الباردة حتى تنفش وبنتركها على جنب.
- بطحن البسكوت وبضيف عليهم الزبدة المذابة وبحركهم لحتى يتكون عندي مزيج بيشبه الرمل الرطب وبصفو بصينية متحركة القالب وبضغط عليه كتير منيح لحتى تتماسك الطبقة وبدخلها الثلاجة.
- بدوب معلقة الجيلاتين بكاسة الماء الساخن .
- بالخلاط ضيف القشطة ومثلثات الجبنة وبخلطهم وبضيفهم على الكريمة وبخفق لحتى يمتزج الخليط تماما وماننسى الجيلاتين.
- بسكب الخليط فوق طبقة البسكوت وبدخلو الثلاجة أقل شي 4 ساعات.
- بحضر الجلي وبراعي انو أقلل من كمية الماء المذكورة على العلبة لحتى يجمد منيح.
- بترك الجلي يبرد شوي وبوزعو بمعلقة كبيرة على وجة الطبقة البيضا وبدخلو الثلاجه ليجمد وصحتين ومية عافية.
